S. J. Bennett (Richmond, Yorkshire, 1966) Hong Kongen, Berlinen eta Norvegian bizi izan zen haurtzaroan. Italiar Literaturan doktoratu zen Cambridgeko Unibertsitatean eta McKinsey & Co.-rentzat estrategia-aholkulari gisa lan egin zuen profesionalki idazten hasi aurretik. Hamar liburu argitaratu ditu publiko gaztearentzat, eta horien artean nabarmentzekoak dira Threads, 2009an Times/Chicken House Children’s Fiction saria eskuratu zuena, eta Love Song, 2017an RNA Romantic Novel saria jaso zuena. Windsor korapiloa eleberriaren itzulpen eskubideak hogei hizkuntza baino gehiagotara saldu dira.