PACO ETXEBERRIA

Francisco Etxeberria Gabilondo ( Beasain - 1957) Estatuko antropologo forentsea da . Euskal Herriko Unibertsitateko Medikuntzako doktorea da (1991) eta Lege eta Auzitegiko Medikuntzako mediku espezialista eta Antropologia eta Biologia Forentseko espezialista Madrilgo Unibertsitate Konplutensean . Euskal Herriko Unibertsitateko Lege eta Auzitegiko Medikuntzako irakasle titularra da, 1 ? Aranzadi Zientzia Elkarteko lehendakaria eta haren Antropologia Fisikoko Departamentukoa, eta Kriminologiaren Euskal Institutuko irakaslea, non idazkaria eta zuzendariordea izan baita.

Prozesu aunitzetan parte hartu izan du peritu judizial gisa, Espainian nahiz Espainiatik kanpo, bertzeak bertze Espainiako poliziak egindako torturen kasuetan eta Lasa eta Zabalarenean . 2014ko martxoan, Eusko Jaurlaritzak manatu zion ikerketa bat zuzentzeko Euskal Herrian 1960tik 2010era izandako torturari buruz, praktika hori tarte horretan noraino zabaldu zen jakin nahirik.

2000az geroztik, buru belarri parte hartu du Espainiako Gerra Zibilean eta geroko diktadura frankistan erail eta desagertutako pertsonen hobien desehorzketan. Urte hartan, Leonen, lehen hobi komuna desehortzi zuen. Bertan zeutzan Francoren diktaduran desagertutako hamahiru lagunen gorpuzkiak. Etxeberriak lantalde bat sortu du historialari, antropologo, auzitegi-mediku, arkeologo, psikologo eta bertze boluntario batzuek osatua. Orobat, Baltasar Garzón epailearen aholkulari ibili zen, bertze aditu batzuekin batera, Espainiako Gerra Zibilaren eta frankismoaren Memoria Historikoari buruzko auzian.

2009an parte hartu zuen Víctor Jara kantautore txiletarraren gorpuzkiak hobitik ateratzeko eta haiei autopsia egiteko lanetan, zeinari heriotza eman baitzioten Augusto Pinocheten estatu kolpean. Orobat, hil zenetik ia-ia berrogei urte iragan ondoan ((2011)) Txileko lehendakari Salvador Allenderen gorpuzkiak aztertu zituen; delako ikerketak atera zuen bere burua hil zuela.

SARIAK ETA AITORPENAK

Giza Eskubideen Gipuzkoako 2006ko saria, Gipuzkoako Foru Aldundiak emana , Auzitegiko Medikuntzaren alorrean egindako ibilbide akademiko eta profesionalagatik.

Rene Cassen 2007 Giza Eskubideen Saria, Eusko Jaurlaritzak emana Aranzadi Zientzia Elkartean zuzentzen duen lantaldeari, Gerra Zibileko desagertuen gaineko ikerketa proiektuagatik.

Eusko Ikaskuntza 2013 Humanitate, Kultura, Arteak eta Gizarte Zientzien Saria, ex aequo Mari Carmen Gallastegui ekonomialariarekin, beren ibilbide profesionaletan biek gauzatu duten ikerketa lanagatik.

Pertsona desagertuengatiko 9M Saria, Pertsona Desagertuen Fundazio Europarrarena, auzitegi-mediku lanean hain bikain jarduteagatik.

Gernika Bakearen eta Adiskidetzearen Saria, 2016an emana memoria historikoa berreskuratzeko lanagatik.

IDAZLANAK

Estudio de la patología ósea en poblaciones de época alto medieval en el País Vasco: Santa Eulalia y los Castros de Lastra . Donostia: Eusko-Ikaskuntza, D.L. 1984. ISBN 84-86240-12-3 .

Gaitza eta heriotza Euskal Herriko iraganean: hauen ikerketa paleopatologian zehar . Bilbo: Mensajero, D.L. 1995. ISBN 84-271-1938-0 .

Gipuzkoako karst eta leizezuloak . Carlos Galán, Francisco Etxeberria Gabilondo. Donostia: Gipuzkoako Foru Aldundia, Kultura eta Turismo Departamentua, Diputación Foral de Guipúzcoa, Departamento de Cultura y Turismo, D.L. 1994. ISBN 84-7907-132-X .

App jaitsi

BABESLEAK

ANTOLATZAILEAK:

LAGUNTZAILEAK:

PARTE-HARTZAILEAK: